मोठी बातमी.! शिंदे सरकारकडून सर्वसामान्यांना दिवाळी भेट; 100 रुपयांमध्ये मिळणार रवा, तेल, साखर आणि डाळ...

प्रतिनिधी : मुंबई

कोरोना'नंतरची पहिली दिवाळी सर्वसामान्य जनतेला गोड आणि आनंदाची जावा यासाठी.! शिंदे फडणवीस सरकारने एक महत्वाचा निर्णय घेला असून, या निर्णयामुळे राज्यातील 7 कोटी जनतेला एक प्रकारे दिवाळी भेटच देण्यात आली आहे.

दिवाळीच्या निमित्ताने राज्यातील शिधापत्रिकाधारकांना शिधा वस्तूंचे दिवाळी पॅकेज केवळ 100 रुपयात देण्याचा निर्णय; आज झालेल्या मंत्रिमंडळ बैठकीत घेण्यात आला आहे. या बैठकीच्या अध्यक्षस्थानी मुख्यमंत्री एकनाथ शिंदे हे होते.

तर या संचामध्ये प्रत्येक शिधापत्रिकाधारकांना प्रती १ किलोच्या परिमाणात रवा, चणाडाळ, साखर व १ लिटर पामतेल याचा समावेश असेल. राज्यातील १ कोटी ७० लाख कुटुंबांना म्हणजेच.! सुमारे 7 कोटी लोकांना याचा प्रत्यक्ष लाभ होणार आहे. हा संच एक महिन्याच्या कालावधीकरिता देण्यात येऊन, त्याचे वितरण ई-पॉस प्रणालीद्धारे करण्यात येईल. यासाठी येणाऱ्या एकूण ५१३ कोटी २४ लाख रुपयांच्या खर्चास मान्यता देण्यात आली आहे. तर सदर शिधावस्तूंचा संच दिवाळी पूर्वी वाटप व्हावा, त्याचप्रमाणे कुठल्याही तक्रारी येऊ नये याची खबरदारी अन्न व नागरी पुरवठा विभागाने घेण्याच्या सूचना मुख्यमंत्री एकनाथ शिंदे व उपमुख्यमंत्री देवेंद्र फडणवीस यांनी दिल्या आहेत.