बनावट नोटांसह.! महाविद्यालयीन तरुणास पोलिसांनी ठोकल्या बेड्या...
News15 Marathi 
NEWS15 प्रतिनिधी : प्रवीण मखरे
सोलापूर : जिल्ह्यातील कुर्डूवाडी शहरांमध्ये बनावट नोटा चालविणाऱ्या महाविद्यालयीन तरुणास सोलापूर ग्रामीणच्या स्थानिक गुन्हे शाखा पथकाने अटक करून, त्याच्याकडून बनावट नोटा जप्त केल्या आहेत. दोघांना अटक करत; त्यांच्याकडून अडीच लाख रुपयांच्या बनावट नोटा जप्त केल्या आहेत.
हर्षल शिवाजी लोकरे (वय २०, रा. कंदर, ता. करमाळा, जि. सोलापूर) आणि सुभाष दिगंबर काळे (वय ३६, रा. भोसरी, ता. माढा, जि. सोलापूर) अशी अटक करण्यात आलेल्या दोघांची नावे आहेत. कुर्डूवाडी शहरांमध्ये काही महाविद्यालयीन तरुण हे पाचशे रुपयांच्या बनावट नोटा चलनात आणणार असल्याची माहिती स्थानिक गुन्हे शाखेच्या पोलिसांना मिळाली होती. त्यानुसार पोलीस पथकाने शनिवारी सायंकाळच्या सुमारास कुर्डूवाडी शहरातील टेंभुर्णी चौकामध्ये सापळा लावला. यावेळी हर्षल लोकरे हा बनावट नोटा चलनात आणत असताना रंगेहात सापडला. त्याच्याकडे चौकशी केली असता त्याला या बनावट नोटा सुभाष काळे याने चलनात आणण्यासाठी दिल्या असल्याची माहिती मिळाली.
माहितीच्या आधारे पोलीस पथकाने सोलापूर-पुणे महामार्गावरील वरवडे टोल नाक्याजवळ दुचाकी (एम एच ४५ जे ३७०४) वर थांबलेल्या सुभाष काळे यास ताब्यात घेतले. त्यावेळी काळे याच्याकडेही बनावट नोटा आढळून आल्या.! पोलिसांनी हर्षल लोकरे व सुभाष काळे या दोघांनाही अटक केली आहे. तर अडीच लाख रुपयांच्या बनावट नोटा जप्त करत; कुर्डूवाडी पोलीस ठाण्यामध्ये गुन्हा दाखल करण्यात आलाय.
या बनावट नोटांचे रॅकेट, या नोटा कुठून आणत होता, नोटांची छपाई कोठे होते.! या रॅकेटमध्ये आणखी कोणाकोणाचा सहभाग आहे.! बाजारात किती रुपयांच्या बनावट नोटा आलेल्या आहेत या सर्व बाबींचा तपास स्थानिक गुन्हे शाखेकडून कारण्यात येत असून, ही कारवाई पोलीस अधीक्षक शिरीष देशपांडे, अप्पर पोलीस अधीक्षक हिम्मत जाधव, स्थानिक गुन्हे शाखेचे पोलीस निरीक्षक सुहास जगताप यांच्या मार्गदर्शनाखाली करण्यात आली.
