कादवा कारखान्याने केली संपुर्ण एफ.आर.पी.अदा

प्रतिनिधी - बापू चव्हा, नाशिक

कादवा सहकारी साखर कारखान्याने गळीत हंगाम २०२३-२४  मधील एफ.आर.पी.पोटी अंतिम ऊस बिल रू.६४.२० प्रमाणे रक्कम संबंधित ऊस उत्पादक यांचे बँक खाती वर्ग करत एकूण रु. २७६४.२०  प्रमाणे संपुर्ण एफ.आर.पी.अदा केल्याची माहिती चेअरमन श्रीराम शेटे यांनी दिली.

कादवा सहकारी साखरेचे कारखान्याने २०२३-२४ या गळीत हंगामात ३२९५ ८२ मे.टन ऊसाचे गाळप करत १२.२२ टक्के साखर उतारा मिळवत ४००१०० क्विंटल साखर निर्मिती केली आहे. इथेनॉल निर्मीतीला पेसो परवाना प्राप्त झाल्यमुळे एकुण ३.६४ लाख इथेनॉल व ३६.७४ लाख लिटर स्पिरीट निर्मिती झाली आहे. या हंगामामध्ये कमी ऊस उपलब्धतेमुळे कमी गाळप झाल्याने साखर कारखान्यांना एफ.आर.पी प्रमाणे ऊस बिल अदा करणेसाठी अडचणी निर्माण झाल्या अनेक कारखाने एफ.आर.पी देवू शकले नाही मात्र कादवाने  टप्प्याटप्प्याने ऊस बिलाची संपूर्ण रक्कम अदा केली आहे. 

कादवाने आगामी गळीत हंगामाची तयारी सुरू केली असून कार्यक्षेत्रामध्ये ३४२४ हेक्टर, पेठ सुरगाणा ३४५ हेक्टर ऊस लागवड नोंद झालेली असुन गेटकेन मधुन २९७३ हेक्टर ऊस लागवड नोंद झाली आहे. अशी एकुण ६७४३ हेक्टर ऊस  लागवड नोंद झालेली आहे.तसेच कार्यक्षेत्र व गेटकेन मधुन अजूनही नोंदी सुरू आहे.पुरेशा प्रमाणात ऊस तोड कामगार भरती करण्यात आली आहे. ऊस लागवड वाढण्यासाठी कारखान्याकडून विविध ऊस विकास योजना राबविल्या जात आहे. देखभाल दुरुस्तीची कामे सुरू आहे. ऊस उत्पादकांना उधारीत कंपोस्ट खत तसेच रासायनिक खते उपलब्ध करून दिलेले आहे. 

यंदा पर्जन्यमान समाधानकारक झाल्याने शेतकऱ्यांनी ठिबक सिंचन चा वापर करत ऊस लागवड करावी ठिबक सिंचन साठी कारखान्याचे धोरणानुसार कारखान्याकडून सहकार्य केले जाईल. शासनाने शेअर्सची रक्कम रु.१०,०००/- वरुन रु.१५,०००/- केलेली आहे.ज्यांचे शेअर्स दहा हजार आहे त्यांना २५ किलो तर ज्यांचे शेअर्स पूर्ण होईल त्यांना ५० किलो साखर सवलतीच्या दरात दिली जाणार आहे.शेअर्सची वाढिव रक्कम भरणेस सहकार्य करावे जास्तीत जास्त ऊस लागवड करून कादवास ऊस पुरवठा करावा तसेच ५३ व्या अधिमंडळाचे वार्षिक सर्वसाधारण सभा शुक्रवार दि.२७ सप्टेंबर २०२४  रोजी दुपारी २.०० वाजता होत असून सदर सभेस सर्व सभासदांनी उपस्थित रहावे असे आवाहन चेअरमन श्रीराम शेटे यांनी केले यावेळी व्हा.चेअरमन शिवाजीराव बस्ते, सर्व संचालक, प्र.कार्यकारी संचालक विजय खालकर यांनी केले आहे.यावेळी सर्व अधिकारी उपस्थित होते.