स्थानिक गुन्हे शाखा सोलापूर ग्रामीण यांची धडाकेबाज कामगिरी, खुनासह दरोडयातील बेपत्ता आरोपी केला जेरबंद...

NEWS15 प्रतिनिधी -  प्रविण  मखरे

सोलापूर : सोलापूर ग्रामीण जिल्हयातील आरोपी पकडण्याकरीता शिरीष सरदेशपांडे, पोलीस अधीक्षक सोलापूर ग्रामीण यांनी सुरेश निबाळकर, वरिष्ठ पोलीस निरीक्षक, स्थानिक गुन्हे शाखा, सोलापूर ग्रामीण यांना सुचना दिल्या होत्या. सदर सुचने प्रमाणे सुरेश निंबाळकर, वरिष्ठ पोलीस निरीक्षक यांनी गुन्हे शाखेकडील पथक प्रमुख व त्यांचा पथकास पाहिजे आरोपीस जेरबंद करणेबाबत सुचना दिल्या. त्याप्रमाणे पोलीस उप-निरीक्षक, सुबोध जमादाडे व त्यांचे पथक मंगळवेढा पोलीस ठाणे हद्दीत पेट्रोलिंग करीत बोराळे येथे आले असता, गोपनीय बातमीदार मार्फत बातमी मिळाली की, दरोड्यातील पाहिजे आरोपी हा सिध्दापूर येथून बोराळे गावाकडे त्याची काळे रंगाची हिरो होंडा शाईन मोटार सायकल वरुन येणार आहे. सदर बातमी प्रमाणे पोउपनि जमदाडे व त्यांचे पथकाने सिध्दापूर ते बोराळे जाणा-या रस्त्यावर सापळा रचुन पाहिजे आरोपीत यास ताब्यात घेतले. सोलापूर जिल्हयातील पाहिजे आरोपीचे अभिलेख पडताळणी करता सदर आरोपीत हा खालील गुन्हयात पाहिजे आरोपी असल्याचे निष्पन झाले.

1) मंगळवेढा पोलीस ठाणे गुरंन 162/2013 भादंवि क. 395, 397, 420, 120ब

2) मंगळवेढा पोलीस ठाणे गुरंन 97/2010, भादवि क. 398, 402.

3) मंगळेवढा पोलीस ठाणे गुरन 161/2009 भादंवि क, 326, 323, 504, 506. 4) नंद्रुप पोलीस ठाणे गुरनं 33/2007 भादंवि के. 396, 397. सदर आरोपीतास पुढील कारवाई करीता मंगळवेढा पोलीस ठाणे यांच्या ताब्यात दिले असुन पुढील तपास मंगळवेढा पोलीस करीत आहे. सदर आरोपी हा रेकॉर्ड वरील आरोपी असुन त्याचे विरुध्द खुनासह दरोडा, दरोडा, फसवणुक सारखे वरील प्रमाणे गंभीर गुन्हे दाखल आहेत. नमुद गुन्हयामध्ये अटक टाळण्यासाठी आरोपी हा मागील 15 वर्षा पासुन, त्याचे अस्तित्व लपविण्याकरीता वेगवेगळ्या ठिकाणी राहत असे. सदर उल्लेखनीय कामगिरी शिरीष सरदेशपांडे, पोलीस अधीक्षक सोलापूर ग्रामीण व हिम्मत जाधव, अपर पोलीस अधीक्षक यांचे मार्गदर्शनाखाली सुरेश निंबाळकर, वरिष्ठ पोलीस निरीक्षक, स्थानिक गुन्हे शाखा सोलापूर ग्रामीण यांचे नेत्तृत्वाखाली पोलीस उप-निरीक्षक सुबोध जमदाडे, सहाफौज / घोळवे, पोहता/परशुराम शिंदे, मपौना / पल्लवी इंगळे, पोकों/अजय वाघमारे, अन्वर अत्तार, यश देवकते, सुरज रामगुडे, मपोकों/ झळके. चापोहवा / प्रमोद माने यांनी केली आहे.