दौंडकरवाडी येथील महिलेचा विनयभंग; पोलीसांत गुन्हा दाखल...
News15 Marathi 
NEWS15 मराठी प्रतिनिधी - विश्वनाथ केसवड, चाकण
खेड तालुक्यातील (जि. पुणे) दौंडकरवाडी येथे महिलेचा विनयभंग केल्या प्रकरणी; चाकण पोलीस ठाण्यात गुन्हा दाखल करण्यात आला आहे. आरोपी तानाजी काळुराम दौंडकर यांच्याविरुद्ध हा गुन्हा दाखल करण्यात आलाय.
मिळालेल्या माहितीनुसार; खेड तालुक्यातील दौंडकरवाडी येथील फिर्यादी महिला आपल्या कुटूंबा बरोबर शेती करून, आपला उदरनिर्वाह करत आहे. सदर महिलेच्या पतीच्या नावावर असलेल्या शेतीचा रस्ता; शेजारील एका व्यक्तीने अडवला होता. तो रस्ता मोकळा करण्यासाठी फिर्यादी महिलेच्या पतीने खेड तहसीलदार, तलाठी, सर्कल यांना पत्रव्यवहार करून तो कसा मोकळा होईल या दृष्टीने प्रयत्न सुरु केले. त्यावर ज्या ठिकाणी रस्त्याचा वाद होता त्याठिकाणी स्वतः वरिष्ठ अधिकारी हे उपस्थित राहून, त्यांनी पंचनामा केला.
परंतु, पंचनामा करून अधिकारी तेथून निघून गेले असता; आरोपी तानाजी काळुराम दौंडकर यांने गावाचे सरपंच यांच्यासमोरच महिलेशी अश्लील शेरेबाजी करून तिच्या मनाला लज्जा उत्पन्न होईल असे कृत्य केले. त्यामुळे आरोपीवर चाकण पोलीस ठाण्यात भा. द. वि. कलम ३५४, ५०४ नुसार गुन्हा दाखल करण्यात आला असल्याची माहिती देण्यात आली आहे. आरोपी हा एका नामांकित सहकारी बँकेत वसुली अधिकारी म्हणून काम बघत असल्याचीही माहिती समोर येत आहे. सदर घटना २७ सप्टेंबर २०२३ रोजी दुपारी २ च्या सुमारास घडली असल्याचे सांगण्यात येत आहे. या प्रकरणाचा पुढील तपास अभिजित चौगुले हे करीत आहेत.
