पानचिचोंली येथील विक्रम पाटील यांच्या लोकमान्य विकास पनलचे सर्व उमेदवार विजयी...
News15 Marathi 
NEWS15 मराठी प्रतिनिधी - सुधाकर सूर्यवंशी (निलंगा)
लातूर जिल्ह्यातील निलंगा तालुक्यातील पानचिंचोली येथील लोकमान्य शिक्षण संस्थेची निवडणूक अतिशय चुरशीची झाली. या निवडणुकीत विक्रम पाटील यांच्या लोकमान्य विकास पनल चे सर्व उमेदवार विजयी झाले आहेत.
पानचिंचोली पंचक्रोशीतील जुनी व मोठी शिक्षण संस्था म्हणून, लोकमान्य शिक्षण संस्थेवर वर्चस्वासाठी महाराष्ट्र प्रदेश काँग्रेस कमिटीचे सचिव अभय साळुंके व विक्रम पाटील यांच्या पनल मध्ये लढत झाली. निवडणुकीत संस्थेच्या ११३ सभासदापैकी १११ सभासदांनी मतदानाचा हक्क बजावला. त्यात अध्यक्षपदासाठी विक्रम पाटील यांच्यासह शिवाजी जाधव , पंचाक्षरी स्वामी, बालाजी पाटील, गोविंद दिवे, विजय स्वामी, नागनाथ स्वामी, लक्ष्मण बंडगर, मारूती कदम, दत्तात्रय जगदाळे, लिंबराज मोरे हे सर्व संचालकपदी निवड झाली. या नुतन संचालकांनी गुलाल उधळून विजय साजरा केला.
या निवडणुकीत निवडणुक निर्णय अधिकारी म्हणून एन. जी. लोंढे यांनी काम पाहिले. तसेच निवडणुकीत काही काळ तणाव निर्माण झाल्याने, निलंगा पोलिस निरीक्षक बाळकृष्ण शेजाळ यांच्यासह १० पोलीस कर्मचारी बंदोबस्तासाठी तैनात करण्यात आले होते.
