मला कंटाळा आलाय म्हणत पंकजा मुंडेंचा मोठा गौप्यस्फोट.! राजकारणातून ब्रेक?
News15 Marathi 
NEWS15 प्रतिनिधी - मुंबई
आज दि. ७ जुलै रोजी पंकजा मुंडेंनी पत्रकार परिषद घेऊन मोठा गौप्यस्फोट करत; राजकारणातून ब्रेक घेण्याची भूमिका मांडली आहे. भाजप नेत्या पंकजा मुंडे यांनी काँग्रेसच्या बड्या नेत्यांची भेट घेतल्याच्या, तसेच त्या लवकरच काँग्रेसमध्ये प्रवेश करण्याची शक्यता असल्याच्या बातम्या माध्यमांमधे आल्यानंतर त्यांनी पत्रकार परिषद घेऊन भूमिका मांडली.
पुढे बोलताना त्या म्हणाला की, माझी भूमिका थेट असणार आहे. स्पष्टपणे सांगते अनेक पक्षांनी माझ्याबद्दल विधान केलं. माझ्या पक्षाला सन्मान वाटत असेल माझी अपेक्षा आहे, जनतेला लपून-छपून काम करणाऱ्यांचा कंटाळा आला आहे असे पंकजा मुंडे यांनी यावेळी स्पष्ट केलं. सध्या राज्यात कोणची सत्ता, कोणाला मंत्रिपद, हे आमला हवंय ते आम्हाला हवंय असं सुरू आहे. यात लोकांचं काय? तरुणांचं, महिलांवर होत असलेल्या अत्याचाराचं काय? सुपरस्टारचा मुलगा असल्याने त्याच्याकडे ड्रग्ज सापडल्याची चर्चा होते. पण एवढ्या सोप्या पद्धतीने देशात ड्रग्ज मिळतं यावर का चर्चा होत नाही? असा सवाल पंकजा मुंडे यांनी यावेळी विचारला.
एखाद्या पदावर विराजमान माणसाकडे जर काही माहिती असेल तर ती माहिती लपवून ठेऊन त्याचा उपयोग राजकीय फायद्यासाठी केली नाही पाहीजे. त्या माहितीचा न्यायाने उपयोग केला पाहीजे. माझ्या भूमिकेची प्रतारणा करणाऱ्या भूमिका आजूबाजूला असल्याने मी प्रचंड कंफ्यूज आहे. मी २० वर्षांमध्ये सुट्टी घेतली नाहीये. मला एक दोन महिन्याच्या सुट्टीची गरज आहे. मला अंतर्मुख होण्यीची गरज आहे असेही पंकजा मुडे म्हणाल्या.
