क्राईम : तोतया बँक वसुली एजेंट पासून सावधान, तुमचीही फसवणूक होऊ शकते..!

News15 मराठी प्रतिनिधी आशिष ढगे पाटील 

पुणे : सध्या पुणे जिल्ह्यातील वैष्णवी हगवणे प्रकरण गाजत असताना तीचे पती,सासू आणि कुटुंबावर संपूर्ण पुणे जिल्ह्यातील विविध पोलीस ठाण्यात वेगवेगळे गुन्हे दाखल होत आहेत. त्यातील एक प्रकरण म्हणजे हगवणे कुटुंबातील मयत वैष्णवी हगवणे हिचा पती शशांक हगवणे आणि तिची सासू लता हगवणे यांचा नवीनच प्रताप समोर आला होता. त्या प्रकरणात महाळुंगे MIDC पोलीस ठाण्यात फसवणुकीचा गुन्हा नोंदविण्यात आला आहे. 

नक्की जेसेबी व्यवहार फसवणूक प्रकरण काय आहे?

हगवणे कुटुंबाने पुणे जिल्ह्यातील खेड तालुक्यातील निघोजे गावातील प्रशांत येळवंडे नामक व्यक्तीने शशांक हगवणे व त्याची आई लता हगवणे यांनी जेसेबी व्यवहार ११ लाख ७० हजार रुपयांची फसवणूक केल्याची तक्रार महाळुंगे MIDC पोलीस ठाण्यात दाखल केली होती. त्या अनुषंगाने महाळुंगे MIDC पोलिसांनी या प्रकरणाचा सखोल तपास करून हगवणे कुटुंबातील शशांक आणि लता यांना ताब्यात घेऊन अटक केली होती. पण या प्रकरणाचा जस जसा महाळुंगे पोलिसांनी सखोल तपास सुरु केला तर त्यात ज्या बँकेचे जेसेबी संदर्भातील हगवणे यांनी कर्ज थकवले होतो त्या बँकेचा कोणत्याही प्रकारचा जेसेबी ताब्यात घेण्यासाठी वसुली एजेंट यांच्या कोणत्याही एजन्सीला जेसेबी ताब्यात घेण्याच्या सूचना देण्यात आल्या नसताना थेट तोतया वसुली एजेंट यांनी बँकेच्या परस्पर जेसेबी मशीन ताब्यात घेतले व हगवणे यांनी ते जेसेबी मशीन तोतया एजेंट यांच्याशी आर्थिक तडजोड करून व्यवहार झालेल्या प्रशांत येळवंडे यांच्या ताब्यात न देता पुन्हा स्वत:च्या ताब्यात ठेवले यामुळे पोलीस तपासात जेसेबी मशिनवर ज्या बँकेचे कर्ज होते त्या बँकेचीही सखोल चौकशी करण्यात आली. त्यात बँकेने असे कोणतेही जेसेबी मशीन आम्ही जप्ती करण्याचे लेखी अथवा लेखी स्वरुपात वसुली एजेन्सीला कळवले नसल्याचे सांगितले. त्यामुळे या प्रकरणात जेसेबी मशीन घेणाऱ्या तीन तोतया वसुली एजेंट यांना ताब्यात घेण्यात आले आहे. 

यामुळे अशा तोतया एजेंट पासून आपली फसवणूक टाळण्यासाठी कोणती काळजी घ्यावी..

प्रथमता एखादी बँक किंवा कोणतीही कर्ज देणारी पत पुरवठा करणाऱ्या संस्था आपल्याला आपली अडचण दूर करण्यासाठी कर्ज देत असते हे लक्षात घेऊन कोणत्याही बँकेचे किंवा संस्थेचे कर्ज ठकवू नये..

काही पर्याप्त कारणाने कर्ज थकले आणि जर आपली विशेष करून आपली वस्तूवर ताबा घेण्याची वेळ बँकेला किंवा आर्थिक पत पुरवठा करणाऱ्या संस्थेला आलीच तर, तुमच्या वस्तूचा ताबा घेणासाठी येणाऱ्या व्यक्तीला प्रथमत: त्याची स्वतःची ओळख विचारा, त्यानंतर तुमच्याकडे मी ज्या संस्थेकडून किंवा बँकेकडून कर्ज घेतले आणि ते मी थकवले म्हणून माझी वस्तू जप्त करण्यात येत आहे. त्या संदर्भातील बँकेचे लेखी पत्र किंवा अधिकृत मेल आहे का? याची पडताळणी करा. कारण वसुली करणारी एक एजन्सी ग्रुपने अनेक बँकेचे किंवा पत पुरवठा करणाऱ्या संस्थांचे वसुलीचे काम घेतात तसे ते बँक किंवा संस्थेशी करार करून घेतात. पण काही वसुलीसाठी ठेवलेले वसुली एजेंट एका अँपच्या माध्यामातून वस्तूच्या नंबरवरून त्या वस्तूवर कोणत्या बँकेचे किंवा पत पुरवठा करणाऱ्या संस्थेचे कर्ज आहे आणि त्यावर किती थकबाकी आहे याची माहिती घेऊन थेट ती वस्तू किंवा वाहन ताब्यात घेतात आणि स्वत:च्या गोडाऊनला जमा करतात. पण काही तोतया एजेंट वस्तू ताब्यात घेऊन पुन्हा त्याच्या मालकाशी बाहेरच्या बाहेर आर्थिक तडजोड करून ती वस्तू किंवा वाहन सोडवून नेतात. यात मोठ्या प्रमाणावर बँकेची फसवणूक होते. 

वरील घटनाच्या पार्श्वभूमीवर नागरिकांकडून असे बँकेच्या ग्राहकांच्या थकबाकी कर्जाची माहिती पुरविणाऱ्या अँपवरती बंदी आणण्याची मागणी जोर धरू लागली आहे. त्याच बरोबर बँकांनी त्यांनी कोणत्या वसुली एजेंशी बरोबर ग्राहकांच्या वस्तू किंवा मालमत्ता जप्तीसाठी करार केला आहे. त्यांची नावे बँकेच्या अधिकृत वेबसाईटवर फ्लॅश करायला हव्यात. ज्यामुळे ग्राहकांना जप्तीवेळी संभ्रम अवस्था निर्माण होणार नाही. आणि ज्या ग्राहकाच्या वस्तूची किंवा वाहनाची जप्ती करायची आहे. त्यास बँकेकडून कायद्याच्या चौकटी तीन नोटीसा गेलेल्या असाव्यात. त्याच बरोबर तरीही ग्राहकाने कर्ज न भरल्यास वसुली एजेन्शीला बँकेकडून त्या ग्राहकाची वसुली करावी यासाठीचे लेखी पत्र किंवा अधिकृत मेल पाठविण्यात यायला हवा. ज्यातून या सर्व प्रक्रिया सुलभ होतील अशी अशी ग्राहकांची आणि बँकेची फसवणूक टाळता येईल. 

आता ग्राहकांच्या मागणीनुसार कर्ज पुरवठा करणाऱ्या बँकेचे डोळे उघडून त्यांनी काही आपल्या यंत्रणेत सूचक बदल जर तातडीने केले तर,नक्कीच प्रशांत येळवंडे यांची जशी फसवणूक झाली तशी इतर प्रामाणिक ग्राहकांची होणार नाही हे नक्की..