दिंडोरी लोकसभा मतदारसंघात राष्ट्रवादी करणार संयुक्त प्रचार दौरा.! शिवसेना ठाकरे गट आक्रमक भाजप विरोधात पूर्ण ताकत पणाला लावणार.

प्रतिनिधी - बापू चव्हाण, नाशिक

दिंडोरी : दिंडोरी लोकसभा निवडणुकीसाठी महाविकास आघाडीची संयुक्त बैठक राष्ट्रवादी काँग्रेसचे ज्येष्ठ नेते श्रीराम शेटे निरीक्षक सुनील भुसरा,शिवसेनेचे संपर्कप्रमुख जयंत दिंडे यांचे उपस्थितीत होत एकसंघ पणे नियोजनबध्द प्रचार यंत्रणा राबवत दिंडोरी ची जागा जिंकण्याचा निश्चय करण्यात आला. 

यावेळी बोलताना शिवसेनेचे संपर्क प्रमुख जयंत दिंडे यांनी पूर्वीचा मालेगाव व नंतरच्या दिंडोरी लोकसभा निवडणुकीत भाजपची कोणतीही ताकत नसताना शिवसेनेने युती धर्म पाळत शिववसैनिकांनी जीवाचे रान करत भाजप चे खासदार केले गेल्यावेळी शिवसेनेचे धनराज महाले यांनी राष्ट्रवादी कडून उमेदवारी केली तरी शिवसैनिकांनी भाजपचे प्रामाणिक काम केले मात्र पुढे खासदारांनी शिवसैनिकांची कधीही संपर्क केला नाही तसेच भाजप ने शिवसेना काँग्रेस राष्ट्रवादी फोडण्याचे पाप केले हे जनतेला अजिबात मान्य नसून सर्व जनता या निवडणुकीत भाजपला धडा शिकवेल असे प्रतिपादन शिवसेनेचे संपर्क प्रमुख जयंत दिंडे यांनी केले. कांदा निर्यात बंदी शेतकऱ्यांना बाबत चुकीचे धोरण महागाई आदी आदी सर्व धोरणाने जनतेत भाजप बद्दक प्रचंड रोष राग असून जनता भाजपला सत्तेतून घालवणार आहे पण त्यासाठी सर्वांनी एकजुट दाखवत निशाणी मतदारांपर्यंत पोहचवून यश मिळवावे असे आवाहन माजी आमदार शिरीष कोतवाल यांनी केले. महाविकास आघाडीचा उमेदवार हा सर्वसामान्य आहे तरी त्यांच्या प्रचाराची धुरा सर्वांनी घ्या मी निफाड तालुक्याची पूर्ण जबाबदारी घेतो लोकशाही वाचविण्यासाठी सर्वांनी एक संघपणे काम करत मोठ्या मताधिक्याने यश मिळविण्यासाठी प्रयत्न करा असे सांगितले.

यावेळी निरीक्षक आमदार सुनील भुसारा,राष्ट्रवादीचे ज्येष्ठ नेते श्रीराम शेटे,शिवसेनेचे जिल्हाप्रमुख नितीन आहेर,माजी आमदार अनिल कदम,शिरीष कोतवाल,हेमंत भोसले,कोंडाजी आव्हाड,गणेश धात्रक,सुधीर कराड,शिवा सूरासे,संजय जाधव,भास्कर गावित,सतीश देशमुख,भगीरथ शिंदे,राम चौरे,संतोष देशमुख,विजय जाधव,रामभाऊ ढगे,संतोष भालेराव,विलास भवर,शरद आहेर,आत्माराम घुमरे,गजानन शेलार संदीप पवार,सुधाकर मोरे,प्रताप पाटील,प्रकाश शेळके,सचिन कड,संगीता पाटील,तानाजी पगार आदी काँग्रेस राष्ट्रवादी काँग्रेस शरदचंद्र पवार,शिवसेना उध्दव बाळासाहेब ठाकरे महाविकास आघाडी पदाधिकाऱ्यांनी आपल्या सूचना मांडल्या यावेळी उमेदवार भास्कर भगरे गोकुळ पिंगळे,माजी आमदार नानासाहेब बोरस्ते,प्रवीण जाधव आदी पदाधिकारी उपस्थित होते.

आभार राष्ट्रवादी काँग्रेसचे कार्याध्यक्ष दत्तात्रेय पाटील यांनी मानले.मदतीचा ओघ सुरूच महाविकास आघाडीचे उमेदवार भास्कर भगरे यांना मदतीचा ओघ सुरूच असून जिल्ह्यातील शिक्षक हे मोठी मदत निधी देणार असल्याचे भगीरथ शिंदे यांनी सांगितले तर माजी आमदार हेमंत भोसले,गणेश धात्रक यांनी एक लाख रुपये निधी दिला.दिंडोरी तालुक्यातील पन्नास गावातील राष्ट्रवादीचे कार्यकर्ते स्वखर्चाने मतदारसंघातील जिल्हा परिषद गट निहाय प्रचार यंत्रणा राबविणार आहे.तसेच एक नोट एक व्होट हे अभियान राबविण्यात येणार आहे. तालुका निहाय प्रचार समिती प्रत्येक तालुक्यात महा विकास आघाडीतील सर्व घटक पक्षांचे तालुकाध्यक्ष यांची प्रचार समिती गठीत करण्यात येणार असून संयुक्त प्रचार दौरा दहा एप्रिल पासून मतदार संघातील प्रत्येक जिल्हा परिषद गट व शहरांमध्ये होणार आहे.