चौकशी अधिकाऱ्यांची लावली चौकशी तरीही रेंगाळली चौकशी.! पंचायत समितीत मनमर्जी कारभार...

NEWS15 प्रतिनिधी - सुधाकर सूर्यवंशी, निलंगा

निलंगा तालुक्यातील पंचायत समिती येथील पदभार, हा प्रभारी गटविकास अधिकारी सोपान अकेले यांच्या हाथी आल्यापासून, गजबच कारभार सुरू आहे. तालुक्यातील एका ग्रामपंचायत कार्यालयाच्या माध्यमातून झालेल्या भ्रष्टाचार प्रकरणाची चौकशी करून कारवाई करण्याची मागणी करणाऱ्या तक्रारीची चौकशी करण्यासाठी चौकशी अधिकाऱ्यांचीच चौकशी कररण्याची वेळ आली.

याबाबत सविस्तर माहिती अशी की, निलंगा तालुक्यातील मौजे हणमंतवाडी  येथील ग्रामपंचायत कार्यालयात; मागील 2 वर्षांपासून पंधराव्या वित्त आयोग व इतर निधीचा दुरुपयोग करून, तत्कालीन सरपंच व ग्रामसेवक यांनी फक्त कागदावरच विकासकामांच्या माध्यमातून लाखों रुपये खर्च करत प्रत्यक्षात मात्र जनतेची आणि शासनाची फसवणूक केलेली आहे. या फसवणूक प्रकरणाची तक्रार एका तालुक्यातील कार्यकर्त्याने गटविकास अधिकाऱ्यांना करून, जवळपास आठ महिने झाले. पण चौकशी अधिकाऱ्यांनी चौकशी करण्यास टाळाटाळ केली. त्यामुळे त्या चौकशी अधिकाऱ्यांचीच चौकशी लावण्याची वेळ गटविकास अधिकाऱ्यांना आली. पण ती चौकशी सुध्दा रेंगाळली असून, त्यामुळे तालुक्यातील अजब कारभाराची चर्चा जोरात सुरु आहे.

महाराष्ट्र सरकारने मात्र गतीमान सरकार, विकासकामे जोरदारच्या भरपूर जाहीराती तर केल्या. पण जिथे खरोखरच भ्रष्टाचार झाला तिथे मात्र सेटलमेंट सुरु केल्याचे नागरिकांकडून म्हंटले जात आहे. एकीकडे सरकार जनतेच्या सोयीसुविधांसाठी थेट ग्रामपंचायत स्तरावर लाखों रुपये निधी देत आहे. मात्र राजकीय पुढाऱ्यांच्या दबावाखाली अधिकारी व कर्मचाऱ्यांच्या सेटींग करून, अनेक विकासकामे फक्त कागदावरच होत असल्याचे खुलासे समोर येतायत. त्यामुळे त्या निधीचा दुरुपयोग होत आहे. यात दोषीची चौकाशी करावी अशी मागणी जोर धरू लागली आहे.