आमदार डॉ.किरण लहामते यांनी केली मुख्यमंत्री सहाय्यता निधीला २ लाख ३२ हजाराची मदत..

News15 प्रतिनिधी अकोले : कोविड-19 हा संसर्ग महाराष्ट्रात थैमान घालत असताना महाराष्ट्रातून अनेक दानशुरांनी मदतीचे हात पुढे केले आहेत. या मदतीसाठी अकोले तालुक्याचे आमदार डॉ.किरण लहामटे हे देखील पुढे सरसावले असून त्यांनी मुख्यमंत्री सहाय्यता निधीला दोन लाख बत्तीस हजाराचा चेक जमा केला आहे. तर, वैद्यकिय उपचारासाठी लागणार्‍या व तुटवडा असणार्‍या गोष्टींची चर्चा समोर आल्यानंतर अकोले तालुक्याचे आमदार डॉ.किरण लहामटे यांनी या साहित्य व यंञसामुग्री साठी तात्काळ जिल्हाधिकारी यांच्याकडे पाठपुरावा करून पन्नास लाख रुपये निधी मिळावा अशी मागणी पत्राद्वारे केली आहे. त्यामुळे, काल लोकवर्गनीतून निवडून गेलेल्या डॉक्टरांनी इतके उदात्त अंत:करण दाखविल्यामुळे त्यांचे तालुकाभर कौतुक होत आहे. राष्ट्रवादी काँग्रेसचे राष्ट्रीय अध्यक्ष शरद पवार, महाराष्ट्र राज्याचे मुख्यमंत्री उध्दव ठाकरे आणि उपमुख्यमंञी अजितदादा पवार यांनी मुख्यमंत्री सहाय्यता निधीस मदत करण्याचे आवाहन केले होते. वैद्यकीय व्यवस्था व जनसामान्य माणसाला मोठ्या प्रमाणात सुविधा उपलब्ध करुन देण्यासाठी महाविकास आघाडी सरकार बांधील आहे. महाराष्ट्र सरकार केंद्र सरकार मोठ्या प्रमाणात कोरोना या रोगास आटोक्यात आणण्यासाठी प्रयत्नशिल आहे. या कामासाठी महाराष्ट्रातील महाविकास आघाडी सरकारला मोठ्या निधीची गरज भासणार आहे. या कठीण परिस्थितीत सामान्य माणसापर्यंत मदत पोहचली पाहिजे असे धोरण सरकारने आखले आहे. त्यामुळे एक लोकप्रतिनिधीचे नैतिक कर्तव्य म्हणून आमदार डॉ. किरण लहामटे यांनी आपल्या आमदार निधीतुन वैद्यकीय साहित्याचा पुरवठा करण्याचे पत्र काल जिल्हाधिकारी राहुल द्विवेदी यांच्याकडे दिले आहे. या पत्रात आमदार डॉ.किरण लहामटे यांनी म्हटल आहे की, कोविड -19 या विषाणुमुळे उद्भवणार्‍या संसर्गजन्य रोगाचा प्रादुर्भाव रोखण्यासाठी वैद्यकीय यंत्रसामुग्री व साहित्याची गरज आमदार निधी अंतर्गत तत्काळ करण्यात यावी. यामध्ये अनेक कोविड 19 च्या प्राथमिक प्रतिबंधक चाचण्याचे साहित्य, यंत्रसामुग्री व इतर साहित्य असून अकोले तालुक्यातील केंद्र व उपक्रेंद्रांना, प्राथमिक आरोग्यकेंद्र यांना भेटी दिल्या होत्या. त्यातुन ही बाब सातत्याने समोर येत होती तसेच अकोले ग्रामीण रूग्णालयास ही भेट देत डॉ. घोगरे, डॉ. म्हेत्रे व स्टाफशी चर्चा केली होती. यावेळी वैद्यकिय उपचारासाठी लागणार्‍या व तुटवडा असणार्‍या गोष्टींची चर्चा समोर आल्या आहेत. त्याची पुर्तता करण्यात यावी. त्यासाठी अकोले तालुक्याचे आमदार डॉ.किरण लहामटे यांनी या साहीत्य व यंत्रसामुग्री साठी तत्काळ पाठपुरावा उपलब्ध करत पन्नास लाख रुपये निधी मिळावा अशी मागणी केली आहे. यापुढे अकोले तालुक्यात आपण उपजिल्हा रूग्णालय आणणार आहोत त्यासाठी मी प्रयत्नशिल असल्याच डॉ.किरण लहामटे यांनी म्हटले आहे.