BREAKING.! नगरपरिषद'चे मुख्याधिकारी काकासाहेब डोईफोडे 5 लाखाची लाच घेतांना अटक...

NEWS15 मराठी प्रतिनिधी - असलम शेख, लातूर

स्थानिक प्रशासनातील प्रमुख अधिकाऱ्याला लाच घेताना; लाच लुचपत प्रतिबंधक विभागाने रंगेहात पकडल्याने जिल्ह्यात एकच खळबळ उडाली आहे. सदर घटना लातूर जिल्ह्यातील अहमदपूर नगरपरिषद येथील आहे. येथील नगरपरिषदचे मुख्याधिकारी काकासाहेब डोईफोडे यांना 5 लाख रुपयाची लाच घेतांना लाच लुचपत अधिकाऱ्यांनी रंगेहात पकडले आहे.

मिळेल्यामाहितीनुसार; यातील तक्रारदार यांच्या मौजे मरशिवणी ता. अहमदपूर जि. लातूर येथील सर्वे नंबर 56 मधील 3600 चौ.मी. क्षेत्रास  वाणिज्य प्रयोजनार्थ जमीन विकासाची प्राथमिक परवानगी प्राप्त झालेली असून, त्यामध्ये अंतिम परवानगी मिळण्याकरिता नगर परिषद अहमदपूर जि.लातूर येथे दाखल केलेल्या प्रकरणांमध्ये दि. 25/10/2023 रोजी तक्रारदार यांनी ऑनलाइन चालान भरणा केलेला आहे. 

तक्रारदार हे त्यांचे प्रलंबित कामाकरिता दि. 05/02/2024 रोजी नगर परिषद कार्यालय, अहमदपूर येथे गेले असता; वर नमूद लोकसेवक क्रमांक 2 यांनी तक्रारदार यांना त्यांचे प्रलंबित कामाकरिता स्वतःसाठी व मुख्याधिकारी नगरपरिषद अहमदपूर यांच्यासाठी असे मिळून एकूण 7,00,000 रुपये लाचेची मागणी केली. 

तर दि. 14/02/2024 रोजी शासकीय पंचासमक्ष लाच मागणी पडताळणी केली असता; आरोपी लोकसेवक क्र. 1 व 2 यांनी 7,00,000/- रूपये लाचेची मागणी केल्याचे व तडजोडी अंती 5,00,000/- रूपये स्विकारण्याचे मान्य केले आहे. त्यानंतर थोड्यावेळाने तक्रारदार नगरपरिषद, अहमदपूर येथे गेले असता आलोसे क्रमांक 2 यांनी तक्रारदार यांच्या क्रेटा कारमध्ये लाचेची रक्कम 5,00,000/- रूपये शासकीय पंचांसमक्ष  स्वतः स्विकारली आहे.

दोन्ही आरोपीस सापळा पथकाने लागलीच लाचेच्या रकमेसह ताब्यात घेतले आहे. पोलीस स्टेशन अहमदपूर जि. लातूर येथे गुन्हा दाखल करण्याची पुढील प्रक्रिया चालू आहे.