BIG BREAKING : भीषण अपघात.! भरधाव कारने १८ महिलांना चिरडलं, ५ ठार तर १३ गंभीर...

NEWS15 प्रतिनिधी - आशिष ढगे पाटील

खेड : पुणे - नाशिक महामार्गावर अपघाताचे सत्र काही थांबता थांबेना झाल आहे. पुन्हा: एकदा खेड तालुक्यातील शिरोली गावाजवळ सोमवारी रात्री भीषण अपघात झाला असून, एका भरधाव कारणे खरापुडी फाट्याजवळ महिलांच्या घोळक्याला उडवल आहे. तर या भीषण अपघातात 5 महिलांचा जागीच मृत्यू झाला असून, १३ महिला जखमी झाल्या आहेत. त्यांच्यावर उपचार सुरू असल्याची माहिती देण्यात आलीय. या घोळक्यात १८ महिला होत्या, अशी माहिती पोलिसांकडून देण्यात आली आहे. तसंच या अपघातातील मृतांची संख्या वाढण्याची भीतीही वर्तवण्यात येत आहे.

पोलिसांकडून मिळालेल्या माहितीनुसार.! खरपुडी फाट्यावर असणाऱ्या मंगल कार्यालयात या महिला लग्न कार्यक्रमात वाढपी आणि स्वयंपाक कामासाठी आल्या होत्या. पुण्याच्या वेगवेगळ्या भागातून या महिला आल्या होत्या. मंगल कार्यालय दुसऱ्या बाजूला असल्याने त्या सर्वजणी रस्ता क्रॉस करत होत्या. मात्र पुण्याच्या दिशेकडून आलेल्या एका भरधाव चारचाकी वाहनाने घोळक्याला जोरात धडक दिली आणि भीषण अपघातात 5 महिलांचा मृत्यू झाला. तर १३ महिला गंभीर जखमी झाल्या आहेत. पोलिसांनी तातडीने मदत पुरवल्याने महिलांना लवकर उपचार मिळाले. त्यामुळे मोठी दुर्घटना टळली आहे. पोलीस व प्रशासकीय यंत्रणाशी तातडीने संपर्क करुन जखमी महिलांना स्वतःच्या वाहनातून रुग्णालयात दाखल केले. चांडोली ग्रामीण रुग्णालयासह राजगुरूनगर परिसरातील चार ते पाच खासगी रुग्णालयात जखमींना उपचारासाठी दाखल करण्यात आले.

सुशीला देढे आणि इंदुबाई कोंडीबा कांबळे ( वय ४६) अशी मृत महिलांची नावे असून, अन्य मृत महिलांची नावे समजू शकली नाहीत. यासह इतर 13 जखमी महिलांवर जवळच्या रुग्णालयात उपचार सुरू आहेत. पोलिस पुढील तपास करत आहेत.