सात वर्षीय बहिण - भावाने धरला, पवित्र रोजा...
News15 Marathi 
NEWS15 प्रतिनिधी : असलम शेख
लातूर : मुस्लिम बांधवांचा पवित्र रमजान महिना सध्या सुरु आहे. पवित्र रमजान महिन्यात आपल्या जीवनाचा पहिला रोजा (उपवास) पूर्ण करून, उदगीर शहरातील मुसा नगर येथील कु. झिकरा अझरोद्दीन शेख (वय ९ ) आणि अब्दुल्ला अझरोद्दीन शेख ( वय ७ ) या बहिण भावाने; अल्लाहप्रती आपल्या संवेदना व्यक्त केल्या आहेत.
सध्याचे तापमान पाहता रखरखत्या उन्हात पहाटे ५ पासून सायंकाळी ६:४२ वाजेपर्यंत अन्नाचा एक ही क्षण आणि पाण्याचा एक ही घोट न घेता दिवसभर उपाशी पोटी राहून, त्यांनी अल्लाहप्रती आपली श्रद्धा व्यक्त केली. विशेष म्हणजे शेख कु. झिकरा अझरोद्दीन शेख (वय वर्षें ९) आणि अब्दुल्ला अझरोद्दीन शेख ( वय वर्षे ७ ) या बहिण भावाने रोजा (उपवास) करून आपल्या जीवनाचा पहिला रोजा पूर्ण केल्याबद्दल त्यांचे आजी आजोबा व परिवारातील सदस्य यांनी त्यांना पुढील उज्ज्वल भविष्य व चांगल्या आयोग्या करिता अल्लाह कडे प्रार्थना केली. त्यांचे समाजाच्या विविध स्तरांतून अभिनंदन केले जात आहे.
