संयुक्त पत्रकार संघ उमरखेडची कार्यकारिणी गठीत.! अध्यक्षपदी रितेश पाटील कदम तर सचिव पदी किरण मुक्कावार यांची निवड...
News15 Marathi 
NEWS15 प्रतिनिधी : किरण मुक्कावार
यवतमाळ : दि. ६ जानेवारी रोजी लोकशाहीचा "चौथा" स्तंभ आणि लोकशाहीचा आरसा तसेच राष्ट्रीय पत्रकार दिन "दर्पणकार आचार्य बाळशास्त्री जांभेकर यांच्या जयंतीचे औचित्य साधून संयुक्त पत्रकार संघाची सन २०२३ या वर्षाची नवीन कार्यकारणी गठीत करण्यात आली आहे.
या कार्यक्रम प्रसंगी सर्वप्रथम दर्पणकार आचार्य बाळशास्त्री जांभेकर यांच्या प्रतिमेस पुष्पहार घालून अभिवादन करण्यात आले व त्यानंतर.! संयुक्त पत्रकार संघाची सर्वांनुमते अध्यक्षपदी रितेश पाटील कदम तर सचिवपदी किरण भाऊ मुक्कावार यांची निवड करण्यात आली. तसेच उपाध्यक्षपदी गजानन वानखेडे, कोषाध्यक्ष सुरेंद्रनाथ दळवी, कार्याध्यक्ष दिलीप मुनेश्वर, सहसचिव प्रवेश कवडे तर सदस्य म्हणून सुनील ठाकरे, सुनील लोखंडे, सुभाष वाघाडे, विजय कदम, विशाल मस्के यांची सर्वानुमते निवड करण्यात आली.
संयुक्त पत्रकार संघाचे मार्गदर्शक विलासराव चव्हाण, सल्लागार शिवाजीराव माने, रवींद्र जैन यांचे प्रमुख उपस्थितीत वरील कार्यकारिणीची सर्वानुमते निवड करण्यात आली असून, एकसंघ राहून समाजहिताचे कार्य, अन्यायाविरुद्ध लढा देण्यास सदैव तत्पर राहणे या विषयी पत्रकार संघातील ज्येष्ठ मंडळी तर्फे मार्गदर्शन करण्यात आले.
सदर कार्यक्रमाचे सूत्रसंचालन सुरेंद्रनाथ दळवी यांनी केले तर गजानन वानखेडे यांनी सर्वांनुमते निवड झालेल्या पदाधिकारी व सदस्यांचे अभिनंदन करून, आभार व्यक्त केले. हा निवड प्रक्रियेचा कार्यक्रम उमरखेड येथील विश्रामगृहामध्ये पार पडला.
